Abhilasha - Jeevan ki paribhasha

Taaron se tha main batiyata, Nit naye jeevan ke geet tha gata,
Nanhe the khwaab, nanhi thi aasha, Har pal uthti ek nayi jigyasa.
Tha ladkhadata, girta, choton se tha daaman bharta,
Par na thi tuti kabhi aasma ke paar jaaney ki abhilasha.
Apno ne aaj saath hai choda,Kismut ne bhi muh yun moda,
Yeh jeevan toh ab ek adherbun ek uljhan...Ya kahein isse ek adhuri gaatha...

In prashno se tha junjh raha,
Jeene ka arth tha dundh raha,
Reh gayi thi mun may ye vytha, ye duvidha,
Kya yun tutegi ye iccha, ye rishta, aur apno se naata?
Tabhi andiyaare ki hati chataa, aashaon ka tha uday hua,
Kisi apney ne haath badhaya, sachey swar may yeh batlaya,
Nayi hogi jeevan ki rekha, aur hogi ek nayi disha, ek nayeh jeevan ki paribhasha...

Kya khoya kya paya hai...

Kya khoya kya paya hai,
Yeh jivan maut ka saya hai.
Khila karti thi dhup kabhi,
ab andiyara sa chaya hai.
Chehka karta tha main kabhi,
ab sannat kyon ghir aya hai?

Kya khoya kya paya hai,
Apno ne bhi thukraya hai.
Jinka tha hamdard kabhi,
Ab dard ka karan hamse ban aya hai.
Phuloon ke sapney the boye hamney,
Kaantoon ka daman paya hai.

Kya khoya kya paya hai,
Yeh pal ajab dohraya hai.
Jis pyar ki thi khwahish kabhi,
Us mrigtrishna ka arth samajh aya hai.
Aankhoon main thi haya kabhi,
Ab nafrat ka pratibimbh nazar aya hai.

Kya khoya kya paya hai...